Rustikale Charme
Dëst traditionellt Bauerenhaus presentéiert sech no senger Renovatioun am neie Glanz. Et zeechent sech duerch säi rustikalen an eenzegaartege Charakter aus an erzielt eng laangjäreg Geschicht vun engem Aarbechterhaus. Ursprénglech gouf et aus traditionellen an natierleche Materialer gebaut, déi lo mat zäitgeméissen Akzenter ergänzt goufen.
Zu dësem Objet gehéiert net just d’Haus selwer, mä och eng hauseege Brennerei / Distillerie esouwéi eng komfortabel Vakanzewunneng fir Gäscht.
Iwwersiicht
Standuert
Eschweiler, Luxembourg
Architekt
Thillens & Thillens
Auftraggeber
Privat
Charmante Landhausstil
Traditionell Miwwel, wéi eng klassesch Buedbidden an en anticke Kamäinsuewen, goufen duerchduecht an de Raim placéiert. Si ënnersträichen net just déi historesch Bedeitung mam néidege Respekt, mä kreéieren e Point de repère, deen dëse besonnesche Charme vun dësem Objet an der Vierdergrond stellt.
Konschtvoll Akzenter
Duerch e Feier sinn Deeler vun der Struktur vum Gebai zerstéiert ginn – dorënner och de Plaffong mat den Dunnen. D’Plaffonge goufen – no um Original – bei der Renovatiounsaarbechten nogebaut. Déi nei Dunnen integréieren sech spilles an de rustikalen Ambiente vum Haus. Konschtwierker aus Lëtzebuerg goufe mat Souvenire vu verschiddene Reese mat Léift kombinéiert a suergen an dësem Doheem fir eng ganz perséinlech Nout.
Nostalgie a Genoss an der aler Scheier
Déi fréier Scheier, an där eng hauseege Brennerei ageriicht ginn ass, bitt Plaz, fir mat de Gäscht verschidden Degustatiounen duerchzeféieren. Den authentesche Stengebuedem ronnt dës stëmmungsvoll Ambiance of.
"Bei den Ëmbauaarbechte war et eis besonnesch wichteg, datt natierlech Materialer wéi Leem an Holz verschafft ginn, fir esou den urspréngleche Charme vum Haus oprechtzëerhalen."
