Déi kloer Formsprooch vun dësem Objet bestëmmt säin individuelle Charakter. Kloer Linnen an e spillereschen Ëmgang mat Forme bilden eng optesch Eenheet. Trotz sengem moderne Stil passt sech d’Haus a seng Ëmgéingend, mat Vue op engt historesch Kierchegebai, un.
Haart Kanten an e mëlle Kär
Déi baussecht Fassad vum Objet straalt mat senge klore Linnen dee Flair aus, deen dem moderne Stil vum Haus entsprécht. Am Banneberäich weess eng stilvoll a gemittlech Ariichtung an enger waarmer Ambiance z’iwwerzeegen. E Refuge fir déi ganz Famill, dee sech iwwer dräi Etagen an enger Gesamtfläch vun 180 m2 erstreckt.
Déi a wäiss a schwaarz gehale Fassad, aus WDVS an Alucbond, ass kontrasträich; ma duerch de modernen Design wierkt d’Architektur gläichermoossen dezent.
Iwwersiicht
Finaliséierung
Juni 2020
Gesamtfläch
180m²
Standuert
Lampech
Etagen
3
Architekt
Atrium Architectes, Luxembourg
Auftraggeber
Privat
Am Mëttelpunkt
D’Häerzstéck vum Haus ass e groussraimege Wunn- an Iessberäich mat vill Dagesliicht, wou sech d’Familljeliewen ofspillt. Déi oppe Raumkonzeptioun passt zu de Leit, déi an dësem Haus wunnen.
D’Kiche ka mat dezente gro-matte Fronten a filigrane Linnen iwwerzeegen. Déi kofferrout Still am Iessberäich sinn den iwwerraschenden Eyecatcher vum Raum.
Schwiewend Träppleken
D’Träppleken aus Naturholz schéngen am Raum ze schwiewen a ginn dem Beräich eng gewësse Liichtegkeet.
Faarwefrou
Kräfteg turquoise Plättercher am Toiletteberäich fir Gäscht suerge fir e stëmmungsvollt Bild. Si setzen dem Raum den Tëppel op den I a ginn duerch dee minimalisteschte Beliichtungsdesign besonnesch an Evidence gesat.
Och d’Schlofzëmmere si faarflech openeen ofgestëmmt. D’Pastelltéin berouegen a maachen d’Raim zu Beräicher vu Rou.
