En Doheem a rubinrout
Dëst Wunnhaus fält engem direkt an d’A: Et weess duerch seng speziell Bauweis ze iwwerzeegen! Säi markanten Design setzt sech däitlech vun der urbaner Ëmgéigend of a suergt fir eng eenzegaarteg Presenz.
Den Objet erstreckt sech iwwer 5 Stäck a bitt groussraimeg Plaz fir dräi Generatiounen. Trotz der zentraler Lag gëtt duerch eng effikass Schallisolatioun eng roueg Wunnatmosphär hiergestallt.
Iwwersiicht
Finaliséierung
Mäerz
Gesamtfläch
400 m²
Standuert
Cents, Luxemburg
Etagen
5
Architekt
Frank Thoma
Auftraggeber
Privat
"Ech hat d’Visioun, en Doheem ze gestalten, an deem dräi Famillen d’Méiglechkeet hunn, hiert Dramhaus ënner engem Daach ze verwierklechen."
Modernt Vermächtnis
D’Gebai, dat op dem Grondstéck vum viregte Familljendoheem gebaut gouf, ass als Hommage un dat fréiert Elterenhaus vun de Besëtzer konzipéiert. D’architektonesch Form vum Wunnhaus erënnert dobäi un déi asymmetresch Bauweis vum Bungalow, dem fréieren Elterenhaus, wärend d’Verbaue vun enger rouder Stolfassad un déi typesch Daachzille verweise soll.
Funktionell Fassad
D’Stolfassad fungéiert net just als nostalgesch Reminiszenz, ma bitt och eng Rëtsch u funktionelle Virdeeler. Si schützt d’Gebai viru verschiddene Wiederkonditiounen a suergt esou fir eng laang Liewensdauer, ouni dobäi Kompromësser an der Ästhetik anzegoen.
