Fir déi bescht Erfahrung rotéiert w.e.g. Ären Telefon.
September 2019
> 3000 m²
Beiler, Luxemburg
2 + 2 Déifgarage
PLAN76, Luxembourg
Creutz & Partners
Am Entreesberäich fält de Plaffong als Fäerdegdeel aus Siichtbëton direkt an d’A. Ee Mierkmol vun dësem Objet, dat dëst Design-Bürosgebai besonnesch kraaftvoll wierke léisst.
En Challenge fir d’Ëmsetzung vun dësem Projet war et, fir e Gebai an d’Realitéit ëmzesetzen, dat bal komplett aus Bëton besteet an trotzdeem net kill an onbelieft wierkt. Dofir gouf de Banneberäich mat ville Planzen an engem vertikale Gaart vum Patrick Blanc an Zeen gesat.
Dem Client war et besonnesch wichteg, fir e Gebai vun esou engem Ausmooss, esou nohalteg wéi méiglech ze hëtzen. Dëst gouf duerch eng Buerung ënner der 2. Déifgarage méiglech gemaach, soudatt de ganze Büro mat erneierbarer Energie gehëtzt ka ginn.
Och d’Maueren am Interieur vun dëser massiver Bëtonskonstruktioun goufe a Siichtbëtonqualitéit hiergestallt.
Ma dat ass net alles: D’Sëtzbänken am Atrium ginn Hand an Hand mam Konzept vun dësem Projet a sinn, d’nämmlecht wéi d’Fäerdegdeeler aus dem klenge Bannenhaff, aus Bëton – e Material, dat sech, wéi an dësem Fall och, besonnesch gutt als Ënnergrond fir Graffiti-Konschtwierker eegent.
Fotoen vum Serge Brison, Jeroen Verrecht an Dave Bruel fir Creutz & Partners, renomméiert Verméigensverwalter a Lëtzebuerg.
