Daachdecker / Bauschräiner (m/w/d) – och gär eng ganz Kolonn
Allgemeng / Eschweiler, Luxembourg
Fir d’Verstärkung vun eisem jonken an erfuerenen Team sicht JANS toitures fir en direkten Ufank Daachdecker a Bauschräiner (m/w/d), och gär ganz Kolonnen. Kuck dir hei déi detailléiert Stellenausschreiwung un:
Iwwer eis
JANS toitures steet fir héichwäerteg Aarbechten um Daach, vu Familljenhaiser bis hin zu modernen Wunnkomplexen. Toiture en pente, Flaachdaach, Charpente an Ofdichtung: Bei eis kënnt alles ronderëm den Daach aus enger Hand.
Fir eist jonkt an erfuerent Team ze stäerken, siche mir Daachdecker a Bauschräiner (m/w/d) fir en direkten Ufank. Du kanns eleng bei eis kommen oder direkt mat Denger ganzer Kolonn.
Deng Roll
Du schaffs op eise Chantieren zu Lëtzebuerg, vum Neibau bis bei d’Renovatioun. Du kriss kloer Opträg, gutt Material a modern Maschinnen, an dann loosse mir Dech Däin Handwierk maachen. Um Enn zielt bei eis dat, wat um Daach gemaach ass: propper Aarbecht an en zefriddene Client. Wann s Du mat Denger eegener Kolonn kënns, bleift Dir als Team zesummen.
Deng Aufgaben a Verantwortungen
- Decke vun Toiture en pente a Flaachdaach
- Charpenten a Schräineraarbechten: Ënnerkonstruktioun a Latten
- Ofdichtung, Isolatioun a Ferblanterie
- Renovatiounen a Reparaturen um Daach
- Montage vun Daachfensteren, Gouttièren a Bardage un der Fassad
- Proppert Schaffen no Plang an Opmooss
Däin Profil
- Ofgeschloss Ausbildung als Daachdecker, Zammermann oder Bauschräiner, oder vergläichbar Erfarung vum Chantier
- Méijäreg Erfarung mat Toiture en pente, Flaachdaach oder Charpente
- Séchert Schaffen an der Héicht an e gutt A fir d’Sécherheet um Chantier
- Permis B ass e Virdeel
- Däitsch, Franséisch oder Lëtzebuergesch, fir datt s Du Dech an der Equipe verstännege kanns
Deng Perséinlechkeet
- Du verstees Däin Handwierk a bréngs Erfarung mat.
- D’Qualitéit vun Denger Aarbecht an d’Zefriddenheet vun eise Cliente stinn fir Dech op der éischter Plaz.
- Du bass en Teamplayer a sichs eng nei Erausfuerderung.
- Op Dech ass Verlooss, op der Aarbecht grad ewéi an der Equipe.
Wat Dech erwaart
- Wäit méi wéi just eng gutt Pai
- Ëmfaassend Formatiouns- a perséinlech Entwécklungsméiglechkeeten
- Gutt Perspektive fir weiderzekommen an eng sécher, onbefristen Aarbechtsplaz
- E Lëtzebuerger Famillebetrib mat kuerze Weeër an direkter Kommunikatioun
- Modernt Material, modern Maschinnen a Gefierer
- E jonkt an erfuerent Team, dat säin Handwierk versteet
- Kolonne si wëllkomm: Wien als agespillt Equipe kënnt, schafft bei eis als Equipe weider
