Héich uewen op engem Hiwwel, mat enger onverbauten an eenzegaarteger Vue op d'Buerschter Schlass, gouf dëst 250 m² grousst Eefamilljenhaus finaliséiert. Op dräi Etagë bitt den Objet vill Plaz fir d'Famill. Dat besonnescht Faarfkonzept am Interieur ass nëmmen ee vu vill Highlighte vun dëser Immobilie.

No 15 Méint Bauzäit gouf dëst charmant Haus zu Nidderwampech 2018 fäerdeg. Den éischte Bléck op d’Haus täuscht, well eréischt beim zweeten Hikucken däitlech gëtt, wéi groussraimeg dëst Eefamilljenhaus bannena geschnidden ass. De Confort an d’Wäermt vum Objet begréisst seng Besëtzer schonns beim Erakommen duerch déi viischt Dier.

Een Haus matzen an der Natur, ëmgi vu Bëscher a Wisen. Dëst Eefamilljenhaus gouf no 15 Méint Bauzäit fäerdeg opgeriicht. Esouwuel vu bannen, wéi och vu bausse gëtt d’Konzept vun natierleche Faarwen a Materialer den Toun un. Mat Glas- an Natursteenelementer kombinéiert souwéi mat metallen Elementer nuancéiert, ass eng exklusiv Proprietéit entstanen.

De Materialmix aus Holz, Bëtong, Glas a Metall zitt sech wéi ee roude Fuedem duerch dat ganzt Haus – esouwuel banne wéi och baussen. Als beonnseschen Highlight gëllt de Gasuewen am Banneberäich, dee fir eng agreabel Wäermt suergt an d’Aen op sech zitt.

Dëst schlësselfäerdegt Eefamilljenhaus ka mat senge kloere Formen an enger aussergewéinlecher Eleganz iwwerzeegen. Waarmt Holz trëfft op d’Transparenz vu Glas, op kloer Strukture vu Bëtong a Metall – a verleet esou dem Haus een extravagante Charakter.