Sales Manager (m/w/d) – Bauprojeten / Héichwäertege Neibau

Du wëlls Deel vun engem Betrib ginn, deen héichwäerteg Bauprojeten ëmsetzt an dobäi op Präzisioun, techneschen Know-how an exzellent Clientsrelatiounen setzt?

Bei eis dréins Du aktiv dozou bäi, usprochsvoll Neibauprojeten erfollegräich un de Client ze bréngen. Mir stinn fir Qualitéit, Innovatioun an eng partnerschaftlech Zesummenaarbecht. 

Als modernen Baubetrib sichen mir e Sales Manager, deen eis Wäerter lieft an d’Zukunft vun eiser Firma aktiv mat gestallt.

An denger Roll als Sales Manager bass Du d’Gesicht vun eisem Betrib a baus vertrauensvoll Bezéiungen zu onseren Clienten op. Du steiers de komplette Verkafsprozess vun der éischter Kontaktopnam bis zur Ënnerschrëft vum Kontrakt.


Deng Haaptaufgaben:

- Du identifizéiers nei Geschäftsméiglechkeeten am Beräich vun héichwäertege Bau- a Haustechnikprojeten.

- Du féiers usprochsvoll Berodungsgespréicher mat Bauhären, Architekten a Bureaux d'études.

- Du erstells technesch a kommerziell iwwerzeegend Offeren an enker Ofstëmmung mam Projetmanagement an der Technik.

- Du presentéiers Léisunge professionell a zilorientéiert – souwuel am perséinleche Gespréich wéi och digital.

- Du féiers Vertragsverhandlungen souverän a fokusséiert bis zum Ofschloss.

- Du regels den Austausch mat internen Ekippen a suergs fir en perfekten Transfert fir d’Realisatioun vun de Projeten.

- Du representéiers d’Entreprise op Evenementer aus dem Secteur a Veranstaltungen vun eise Clienten.

Du bréngs déi fachlech a perséinlech Viraussetzunge mat, déi et brauch, fir am usprochsvollen Ëmfeld vum verkaf vu Bauprojeten erfollegräich ze sinn.


Fachlech Ufuerderungen:

- Méijäreg Vertribserfarung am Bau- oder Haustechnikberäich.

- Noweisbar Erfolleger am projektbezunne Verkaf vun héichwäertege Léisungen.

- Séchert technescht Verständnis, idealerweis Erfarung am gehuewe Neibausegment.

- Routine an der Erstellung a Presentatioun vu komplexe Offeren.

- Verhandlungssécherheet op Entscheeder-Niveau.

- Ganz gutt Kommunikatiounsfäegkeeten a Wuert a Schrëft.

- Staark Analysefäegkeet an eng strukturéiert Aarbechtsmanéier.

Perséinlech Eegeschaften / Soft Skills:

- Du hues Freed drun, Clienten ze begeeschteren an Ofschlëss ze erreechen.

- Du handells proaktiv, zilorientéiert a selwerbewosst.

- Du kanns Leit séier fir dech gewannen an iwwerzeegs mat Kloerheet an Empathie.

- Du behälts och a komplexe Situatiounen d’Rou an den Iwwerbléck.

- Du bréngs entrepreneurialescht Denken an héich Eegenmotivatioun mat.

Fir datt s du am Verkaf wierklech blénke kanns:

- Eng onbefristen, zukunftssécher Aarbechtsplaz an engem innovativen Lëtzebuerger Famillebetrib.

- Leeschtungsorientéiert Remuneratioun, déi däin Erfolleg sichtbar mécht.

- E héichwäertege Firmenauto fir privat Matbenotzung.

- Modernst Vertriebs-Tools an IT-Systemer.

- Kontinuéierlech Weiderentwécklungs- a Schoulungsméiglechkeeten.

- E wäertschätzend Ëmfeld mat kuerzen Entscheedungsweeër a flaachen Hierarchien.

- Gestaltungsspillraum a reell Aflossméiglechkeeten: Deng Iddien ginn gehéiert – an ëmgesat. Du forms aktiv eis Vertriebsstrategie an d’Clientserliefnis.

- Reegelméisseg Team-Events, Grillfester a gemeinsam Aktivitéiten, déi den Zesummenhalt stäerken an dir en Ëmfeld bidden, an deem Aarbecht Freed mécht.

- Eng grenzno Aarbechtsplaz mat exzellenter Erreechbarkeet.