Ass dëst Haus op den éischte Bléck vläicht näischt Besonnesches – mat engem Design, dat weeder op-, nach aus der Rei fält esou kënnt een, wann ee sech den Interieur bis ugekuckt huet, net méi aus dem Staunen eraus.
Dës Immobilie weess nämlech mat enger kompletter Innenarchitektur a puristeschen Detailer z’iwwerzeegen, déi een esou nach ni gesinn huet.
August 2019
226 m²
Selscheid, Luxemburg
3
Thalis, Luxembourg
JANS
Den Highlight vun dësem Objet ass sécherlech de groussraimegen Iessberäich, deen Deel vun enger moderner oppener Wunnkichen am ënneschten Deel vum Haus ass. Eng stilvoll Konstruktioun aus hëlzenen Dunnen trennt dësen Deel vum Wunnberäich, soudatt e groussen oppene Raum op eng clever Manéier an dräi elementar Beräicher opgedeelt gouf.
Fir de Bau vun dësem Haus koum vill Holz an den Asaz, dat speziell fir eng waarm a gemittlech Ambiance suergt. D‘Durabilitéit, d‘Nohaltegkeet an d‘Ästhetik vum Naturprodukt Holz si just e puer vun de Virdeeler, wann ee gläichzäiteg u seng exzellent Isolatiounscapacitéit a säi Schutz virun Hëtzt a Schall denkt. Deemno en ideaalt Baumaterial fir all déi, déi eng agreabel a gemittlech Ambiance doheem gär hunn.
Eng schéin hëlzen Trap mat avantgardisteschen Detailer an enger indirekter Beliichtung féieren op de Rez-de-Chaussée.
Do erwaarden een eng groussraimeg Schlofkummer mat engem hëlzene Plaffong an integréierten „Stärenhimmel“ souwéi e modernt Buedzëmmer a Gro- a Pastelltéin. Grouss Panoramafënstere mat Vue an de Gaart suergen iwwerdeems fir natierlecht Liicht.
